Deetere 8 Januari 2011
Beste Luuj oet Deetere,
Beste Bok en Girmkes,
Ich Thijs d’n Ieëste prins van ’t jaor 2011 van de Lollige Buk oet Deetere.
Opvolger van de ónvergaetelikke Prins Jorg I.
Zo’n 24 jaor gelaeje op de Breidste waeg van Deetere gebaore.
Opgegreujd in de boetewieke van Deetere.
Es rasechte boere jong, dae veul boerekeul haet gegaete.
Soeströtter bie de bèste Zaate herriemenie van Limburg.
Baströtter bie de fanfaar. Lid van de jonge boere klup.
Eine roppetige skiër op de piste in Oasteriek.
Ich laes uch noe de 11 artikele van `t regelement van de vastelaovend 2011 veur:
- Det ich miene sjat prinses Linda het maedje van de sjötte alvas wil bedanke mit waat ’t tot noe toe al veur mich beteikent haet en dat ich same met heur es prinsepaar ein hieële sjoan carnaval gaon belaeve.
- Bie deze belaof ich de bok en girmkes van jonk Vleisj, det ich hal nummer 11 bie de Houtacker weer ter besjikking sjtèl veur het ineinsjoestere van de sjoonste prinse wage van Deetere.
- Det Sonja van Hub, de penningmeister van de Lollige Buk mich veurig jaor op dènsdig aovend haet belaof det es ich prins zou waere Sonja de kuuj kóm mèlke. Bie deze zal Sonja dees belofte auch waormake.
- Ich houp det auch dit jaor weer eine boerenbroeloft geit plaatsvaenje.
- Jederein mot zich in het carnavalsseizoen gedrage, dae zich neet gedreug zal bie oos de kalversjtal motte oetmèste met de reek.
- Det ich op de 11 van de 11 ’s avonds om 11veur 11 wil aaftraeje zoadet de jubileum prins oetgeroope kent waere.
- Det ich haop det alle luuj van alle wieke van Deetere, dus auch de boetewieke alles gaon gaeve veur de sjoanste pries van de optoch. En ónthauwt good, ich ben om te koupe.
- Geer zeet allemaol oetgeneuëdig op de prinsereceptie woo ger mich, mien prinses, de raod, de jeugdprins en jeugprinses ein hendje kent komme gaeve.
- Ich zou het hieël fijn vènje es Jonk Vleisj mit alle buk en girmkes op dènsdigaovend de bok kump aafloate.
10. Det miene collega boer en buurman Aeten ( Otte ?) mich als adjudant het ganse carnavalsseizoen geit verzurge en det mien prinses wurt verzurg door häör bèste vriendin adjundante Richelleke.
En ten 11de wunsj ich uch eine hieële sjoane vastelaovend.
Deetere Alaaf