Proklamatie Prins Rob III 2013

Leef luuj van Deetere,

Ich, Rob III, prins 2013 van de Lollige Buk oet Deetere,                                                                                

Opvolger van den ónvergaetelikke  Prins Ron I,    

46 jaor geleje gebaore in Heerle es Winkbuul, getrouwd mit miene Marotteprinses Yvonne.  

Al 10 jaor wonend in de huidige prinsetempel aan d’n Zil 23.                                                                                      

Pap van Joyce, Bianca en Dennis, Inmiddels mit aanhang Jim en Manuel.                                                                                                                         

Auwt lid van CV de Lollige Buk, sikkertaris van de NNNP, lid van sjötterie st. Stephanus, lid van buurtvereiniging  ‘t Kröpke.

Bie gratie van de wieze Raod van Ellef, proklameer ich hiebie:

1. Det ein jongensdreum is oetgekomme, noe ich same mit Yvonne es Prinsepaar euver ‘t Bokkeriek moog  regere.
2. Det mien beneuming beteikent,  det ich mich mot teruuk trekke es sikkertaris van de NNNP
3. Det mich dit ein vaat beer kost. Wér bie deze alle NNNprinsen, prinsessen en ere-leden oetneudigen veur ein gezellige barbeque om dit leed te verzachte.
4. Ich bin erg benuujd  waem mörge de nuuje jeugdprins en jeugdprinses waere. Ich wil ze alvast veul succes wense en wér gaon er same een onvergètellik seizoen van make.
5. Bie deze neuëdig ich uch allemaol oet veur de prinsenreceptie. Wo gér mich, miene prinses, de jeugdprins en jeugdprinses en de Raod ein hendje kent komme gève.
6. Det ich hoop det wér deze vastelaovend es eine grote familie kenne viere.

Van jonk tot auwt en van groat tot klein, mot ‘t ein groot fieës zeen.

• Det ich hoop det ‘t auch dit jaor weer ein hieële sjoene optocht giet waere , wodoor ‘t veur os erg meujlik wurd om de prieze oet te reike.
• Ich hoop det auch dit jaor de fanfaar, sjutterie, de plekselpöt, Jonk Vleisj, de drumband en de nuuje zaate hermenie Strontj vervèlend zoa veul es meuglik mit os mit zulle trèkke.
• Det ‘t veur eederein ‘n geweldig fieës moog  wère en eederein aan alle activiteite mit kump doon van ‘t patsjebal tot  aswoonsdig
• Det ich alvast de Raod en in ‘t biezunjer miene adjudant Jean wil bedanke dat sie dit seizoen aan  mien zie sjtaon.
• Det  in naovolging van ’t goeie gooie  idee van Prins Ron I, auch wér hope op veel veul creativiteit en hieveur den auch ein extra pries ter besjikking sjtelle veur de Vastelaovendsvierder 2013. Deze zal oetgereikt waere op carnavalsdinsdig in de Koppel.

Gegaeve in de Bokketempel in Deetere op 12 jannewarie 2013,

Rob III,

Den  roop ich same mit uch 3 maol

Deetere alaaf !

Deetere alaaf!        Deetere alaaf!