Proklamatie Prins Rob II 2007

Proclamatie

  Deetere, 13 januari 2007

Leef vastelaovendvrunj

1. Ich Rob de tweede, heerser euver ut Bokkeriek, klein-grundj-bezitter op ut húúfke, gezant oet  Gelderlandj, vaderlijke vrundj van Marc en Ralf, geroyeerd Lid van de Never-noajt-Neet-Prinsen, beként es de Hollenjér. Ich bèn zeer vereerdj same mit mien Prinses Mariet hie es uche Prins te mooge stjaon.

2. Ich moog noe gaon regere euver ut Bokkeriek: van Genenj tot aan de Heuvel Drénk en tot en mit `t Kröpke, van de Middelsgraaf tot aan de Rantjwaeg, van de vèsviever tot in de Béénj en alles waat noch allemaol om Deetere lik.

3. Det Ich es Dorslustige Hoagheid gein doosj hoof te lieje, en det geer det auch neet hoof. Zórrig det geer uch op tied get te drénke bestélt, en det geer det auch optied betaaldj!

4. Ich staon hie mit eine féine Wieze Raod achter mich. Gesteund door miene Adjudant Jack, en Prinses Mariet mit huer Hofdame Lizette.

      Mit hun en uch same, kan vastelaovendj neet            méér mis gaon.

5. Det ich, wie mien veurgengers, eine gooie Prins van de lollige Buk wil zeen.

      Vanaaf dees plaatsch wil ich miene veurganger Prins Rico, de complemente make, veur de       maneer woo-op hea ut aafgeloupe jaor de vastelaovend in Deetere heaf geleid.

6. Oet-slaope is nemes gegund in de koomende vastelaovendsdaag. Slaop maar oet nao asjwoonsdig Oetgezunjerd “de Slaopmutsj”.

7. Mit vastelaovend hoof nemes de buim in, en zeker neet in die van mich. Die zeen al drie kjier aafgezeag en nog te kort.

8. Ich wil neet heure “waat zéét ter, waat zéét ter? Ich verstaon de Prins veur geine mééter!”

      Weer verstaon os allemaol!

9. Al bún ich same mit mien Prinses Mariet, 100 jaor, dét is mit vastelaovendj gein bezwoar.

10. Ich hoap auch det dit jaor  alle buurten weer mit doon aan d’n optoch, mit geweldig sjoan       groepe.

11. Weer hoape alle Buk en Girmkes trök te zeen zoadet geer mit ós, en mit de nuuje Jeug Prins, eine sjaone vastelaovend der van make.

         Zoadet de Deeterse vastelaovend nog heel lang moog bestaon.

HÖb geer nog gein pien in ut kÖpke?

Blief den nog bie

Prinses Mariet en Prins RÖbke!

Deetere         Alaaf

                                   Alaaf

                                                Alaaf