Leef Buk en Girmkes,
Vandaag, vriedig de ellefde vanne ellefde twieëdoezend twieëentwintig, in de Bokketempel Gemeinsjapshoes De Koppel in Deetere, ut epicentrum vanne Limburgse vastelaovend,
PROKLAMEER ICH,
Jubileumprins Julien I van jubilerende carnavalsvereniging De Lollige Buk, 7×11 jaor,
zoon van Pascal en Cecile Penders-Jeurissen, broor van Janine,
wonende oppe Kerstraot 62 in ut hoes van Louis en Maria vanne Pender,
vrundj van Tessel, aanstaonde vader en boer in hart en nere,
ES VOLG:
TEN IEËSTE: Det weer dit jaor afsjied numme van dae vervaelende coronatied!
TEN TWIEËDE: Det weer flink motte fieëste om de sjaaj in te haole van de aafgeloupe jaore.
TEN DRIEDE: Det ich Prins Maurice bedank veur zien geweldige werk es veurganger.
TEN VEERDE: Det weer de kommende maonje de politiek boete de deur hauwte.
TEN VIEFDE: Det de Deeterse vastelaovend weer leaf es nooitjs teveure!
TEN ZÈSDE: Det ich ut ein groate ieër venj om uche jubilieumprins te zeen.
TEN ZEVENDE: Det de Kirkstraot de Prinsestraot zal heite poes aswoonsdig.
TEN ACHTSTE: Det ut wear mer sjlech blif want veur ut landj höbbe weer geine tied.
TEN NEGENDE: Det weer dit jaor weer eine sjoan optoch gaon kriege.
TEN TIEËNDE: Det per heden ut verplich wurd om minimaal eine kieër per daag te lache.
TEN ELLEFDE: Det mer emes anges de prinsewage trèk want ich staon drop.
DEETERE ALAAF,
DE LOLLIGE BUK ALAAF
LIMBURG ALAAF
En op ut ènj volg miene spreuk dae deze vastelaovend gehanteerd zal waere:
AAN DE KANTJ MIT DE KROATE EN DE PAOR!
WANT NOE BEGINT IN OOS BOKKERIEK UT JUBILEUMJAOR!