Ich prins Jo IV

Prins van het bokkeriek Deetere,

In naovolging van prins Jo I (1952) prins Jo II (1964)

en prins Jo III (1994).

Heerser van Genenj tot aan de Heuvel Drénk  tot en mit

`t Kröpke,

van de middelsgraaf tot aan de rantjwaeg, van de vèsvijver tot in de Béénj en alles waat noch allemaol om Deetere lik.

Getrouwd mit Wilma,

Vader van 4 kènjer,

Opa van 4 kleinkènjer,

Vònkentrèkker  bie GTI,

1^ste veur drummer en zenger bie de Willy Wenmaekers bend,

Betalend lid van de fanfaar,

Motor leefhubber en organizator van de grootste motor -toertoch van deetere,

Saame mit Wilma beheerder van de Koppel,

Ich laes uch noe vuur de 11 artikele van `t  regelement van de vastelaovend 2008

Woo-aan edere bok en girm zich dees daag geleve aan te hauwte haet, es men dao zin in haet, want niks is dit jaor verplich.

Ten 1^ste

Det geer mich laot regeren vanaaf deeze bóntje aovend tot en mit de bóntje aovond van 2009, waat dao nao weer mot gebeure is vuur miene opvolger.

Ten 2^de

Det geer alle moters en anger gemotoriseerde vehikkels mit de vastelaovend in de graasj kent loate sjtoan.

Ten 3^de

Det ederein dae dit jaor in oos bokkeriek vastelaovend wilt komme vieren consumptiebonne kènt koupe veur eine euro per stuk.

Ten 4^de

Det geer bie deze allemaol, zeet oetgenüdigd op oos prinse receptie en oos patsjebal.

Ten 5^de

Det geer mich op vastelaovends zondigmiddig

komt aafhaole veur `t kènjerbal  mit veul getrommel en getoeter.

Ten 6^de

Det ich uch allemaol op vastelaovends maondig om 11 euver 2 op de kampstraot  zeen veur de optoch, en mich en alle anger girmkes en buk loat kieke waat geer dit jaor veur eine flauwe kul inein gesjtevelt hub, om kans te make op de geweldige wisselbaeker.

Ten 7^de

 Det weer nao de optoch en het lekker sjmiete op `t peareplein, allemaol    hie  weer in de Prinsetempel    wiejer    fieëste  en  probere de pries te ontvange veur de sjoonste  groep of einzelgänger.

Ten 8^ste

Det geer deansdig mörge, mit de haore reg op de kop en de pupjse nog in de ouge, nao ’t piamabal komt en komt kieke wem de nuuje sjloapmuts van 2008 wurd.

Ten 9^de

Det geer mich de létste middig komt aaf haole mit vëül meziek en kabaal, veur `t kénjerbal (geer moog de piama aan haute).

Ten 10^de

Det weer mit z’n alle op het lètst van dè daag

(waem dao nog veur in staot is) de bok gaon aaf haole, zödet deze weer veur 8 maonjd de zölder op kènt.

Ten 11^de

Det weer op as woonsdigaovend mit z’n alle in de kirk ein as kruutske gaon haolle en daonao weer same hie trök komme om eine haering te biete .

Leef  buk en girmkes, dees proklamasie is aan uch veur gedrage op 11 november 2007

Waem `t neet begrepe öf versjtange héét

duit mèr gewüen waat die angere doon.

Maak dit sezoen veul lol, sjpas en plezeer,

drénk ug eine gooie en blief gezóndj en braaf.

Den roop ich same mit uch  3 moal:    

 Deetere Alaaf,

 Deetere Alaaf,      

                                        Deetere Alaaf.