Proklamatie Prins Jim I 2014

Leef luuj van Deetere,

Ich Jim de ieërste, opvolger van sjoanpap en Prins Rob de derde.

23 jaor jonk en al 11 jaor wonend op de Pater van Heldenstraot hie int durp.

Lid van de fanfaar en sinds kort groate tróm sjpeler bie St. Stephanus.  Al 2 jaor gelukkig mit mien vriendin Joyce, die noe aug door  ‘t leave mot gaon es mien Prinses.

Doordewaeks gaon ich nao  sjoal en in ‘t wiekend sjläötel  ich get aaf, aug gaon ich gaer op sjtap.

Hiebiej verklaore ich väör uch de 11 regels van de vastelaovend 2014,

1. Ich hau noaijt gedach det ich oajt Prins zou weare, det ze mig vroge woor unne hieële ieër. Ich bön den aug hieël blie det ich dit mit maak mit mien Prinses Joyce.
2. Weer belaove det weer samen mit  uch, de Jeugdprins enJjeugprinses  der ein geweldig jaor van  gaon maken.
3. Det ‘t veur eederein ‘n geweldig fieës moog  wère en eederein zovaak meugelijk mit geit vanaaf  vandaag tot as woonsdig.
4. Weer haupe det weer vaak de muzikale klanken van de Fanfaar , Sjutterie, Jonkvleisj, Plekselpöt en angere moge heuëre omdet weer dit geweldig vènje.
5. Weer hauwe  gaer  det de fanfaar en sjutterie samen es eine groep,  ‘n serenade komme brènge op de receptie. Zoadet weer nog trotser moge zeen op ozze vereiniginge.
6. Weer wille aug eederein oetnoedige veur de receptie,om os ‘n hendje te gaeve.
7. Weer zulle bie de optocht het lestig  vèinje om n keus te maken veur d’’n ieëste pries , omdèt de optocht altied zo sjoan is en haupelik dit jaor aug weer zal zeen.
8. Veurigjaor höbbe weer belaof om weer mit unne wage mit te laupe hie int dörp,  dit jaor is dit geine eige wage, maer moge weer op de Prinse wagen sjtaon. Dus dees belofte wurd neet gebraoke.
9. Weer wille aug ienne pries ter besjkking sjtèlle väör de beste carnavalvierder 2014.
10. Bie deze wille  weer  de raod bedanke, en veural miene adjudant Rob dèt ze dit jaor aan mien zie wille sjtaon. Ich wil aug mien auwers en de auwers van Joyce bedanke veur alle sjteun die ze tot noe toe os gegeave höbbe.
11. Bie deze wille weer uch mit gaeve: omdet de boel hie toch geit sjloete, kènd deze              vastelaovend het daak der aaf!

Gegaeve in de Bokketempel in Deetere op 11 jannewarie 2014,

Prins Jim 1e en Prinses Joyce,

Den  roope weer same mit uch 3 maol  :                 Deetere alaaf !

Deetere alaaf!                           Deetere alaaf!