Proklamatie Prinses Carolien I 2017

Ich Prinses Carolien  1^ste  

De ieëste officiële Prinses van ‘t Deeters  bokkeriek,

opvolgster van Prins Huub 1^ste en die 69 angere Prinselike väörgangers.

Gebaore in ’t  Aester riek te Berkelaer.

30 jaor geleje getrouwd mit eine echte Deeterse bok.

Vrouw van Eric van de Bok.  

Moder van Daniëlla en Sander          die ich hiemit ouch verrasj.

Ziekeverzörgster in Vastrada,    sikkertaris van Kènjer Vakantie Werk Deetere.

Lid van Buurtvereniging Genenj en de vrouwebondj     St. Oda

De ieëste wienköningin in de optoch van 2012,

Ich laes uch noe vuur de 11 artikele van `t  regelement van de vastelaovend  2017

1^ste :            Ich bön blie det ich Deeters ieëste officiële Vastelaoves Prinses moog zeen.!!… dit höb ich altied gewunsj en gerope.

2^de :                     Det weer dit jaor geine Prinsewage höbbe mér eine Prinsessewage,……. dae bemand wurd door de vrouwluuj van de raod.! ………Noe kènne die mansluuj ens loupe.!!

3^de :                     Omdet mansluuj dit jaor sjienbaar geine tied höbbe om Prins te zeen, ……zal ich dit jaor de  däör   äöpene veur de vrouwluuj.!!  Dus … dames …gaef uch massaal op.!!.

4^de :                      Det Huub en Henrie ……H2 …….dit jaor ein oetdaging höbbe…… om ein sjaon leedje veur mich te make op de melodie …. Sweet Caroline.!

5^de :            Det ich mich dit jaor Prinses heerlik laot bedene.!! Ich hoof dit jaor neet te zörge en sjleipe mit woos, kieës, gehakbelkes en de res van det sjpul.!!

Det mot dit jaor mer émes anges doon.!!

6^de :                     Gaer wil ich uch allemaol zeen op os patsjebal, om mit uch zelfgemaakte öf duur betaalde pasj te komme pronke väör eine te neuzele  pries !.

7^de :                      Det geer op zondigmiddig mich komt aafhaole väör ’t kènjerbal, mit väöl getrommel, want de träöters van de Fanfare zeen den nao Gelaen,  öf hub geer nog ein träöt op de zölder ligge?   num die den mer mit.

8^ste :                     Det ich uch allemaol op vastelaovends maondig om 11 euver 2 op de kampstraot moog aansjouwe in de optoch, mit waat geer dit jaor väör eine flauwe kul inein gesjtevelt höb,

9^de :            Ich haop det geer uch bès doot om kans te make op de begeerde wisselbaeker  öf eine pries väör de sjoonste öf orjineelste groep öf einzelgänger.              Ich bön om te koupe.!!

10^de :          Det geer Dènsdig mörge, mit de haore reg op de kop en de pupjse nog in de ouge, nao ’t piamabal komt woo we doorgaon tot ’s nachts 12 oer tot mich ’t kreunke wurt aafgezat.

11^de :          Det ich nao ’t aaftraeje in 2018 missjien de ieëste vrouwelijke raodslid waer.

Leef  bök en girmkes, dees proklamasie is uch väör gedrage op 14 Jannewarie 2017.

Maak dit sezoen väöl  sjpas en plezeer, drénk ug eine gooie, blief gezóndj en braaf.

.

Den roop ich same mit uch :  

Limburg   Alaaf,            Deetere   Alaaf,            De Lollige Buk   Alaaf.

Mit Prinses Carolien es 71^ste in de rie,

is Deetere dit jaor weer van de partie.!!