CV De Lollige Buk

Proklamatie Prins Ronald 1ste

Moge weer uch veursjtèlle,

Prins Ronald I

  • Waalgebaore Edelachbare Ekselensie, wonend in Baakhaove.
  • Gebaore op 21 april 1967 te Sjaelberg.
  • Getrouwd mit Desiree en gruuetse pap van Nadine en Jelle
  • Wèrkt es ICT-er in ’t ziekehoes van Zitterd en Haerle.
  • Zoon van eine awd Jubileum Prins van Pej.
  • Hertog van de Vloodgraaf toet aan de Gelaenbaek.
  • Sjatbewaarder van Sjötterie Wilhelmina Hènge.
  • Sjpeelt bugel biej de fanfaar van Deetere
  • Trompettist biej de Hofkapel van V.V. De Aester Sjaelen Uul oet Pej.
  • In ziene sjpaarzame vrieje tied geit d’r gaer op de motor droet

Eederein dae dit huuert mót weite:

Ten 1e      Det weer d’r deze Vastelaovend weer ein fiëes van make in Deetere

Ten 2e      Det ich de iëeste Prins bön van Groat Baakhaove

Ten 3e      Det mien dochter mich in Deetere is väörgegange es jeugdprinses in 2019

Ten 4e      Det Vastelaovendj en meziek biej ós in de familie zit

Ten 5e      Det miene laptop deze vastelaovendj neet oet de tes gehaold weurd

Ten 6e      Det ich oet ein nès kóm van Awd Prinse en Prinsesse

Ten 7e       Det de koppel dit jaor weer ein ech Prinsepalies is

Ten 8e      Det se mich kèns wakker make väör ein pan sjpek mit eier

Ten 9e      Det de jónges en maedjes van de hofkapel dit seizoen zónger mich meziek moge make

Ten 10e    Det ich waer biegesjtange door mien broor Marcel en mien zöster Christel es mien adjudante. 

Ten 11e     Det ich noe gaon aafsjloete mit miene sjpreuk:

Hiej zit meziek in

De Lollige Buk Alaaf

Deetere Alaaf

Vastelaovend in Limburg Alaaf