Proclamatie Jeugdprins Stephan 1ste
Ich Jeugdprins Stephan 1ste.. Jeugdprins van “De Bukskes” van Deetere 2006
Heerser van gans Deetere, Det wil zegge vanaaf ,t kannaal tot aan ,t Daord
Vanaaf de vesviever tot aan Ophaove en ,t voetbalveldj van Zöstere en de Koppelleberg (Waat euver blif is veur prins Rico)
Zoon van ex prins Henrie 1ste en Ria en broor van Richelle ,kleinkendj van oma Sophie paetekendj van ex prins Wil 1e , naef van ex prins Sjaak 2e , groate vraetzak van Thei en Els, groat muzicus van de sjotterie, zit op ‘t B-C-E in Ech bie mentor Koolen en op 2 muzieksjoule en al 7 jaor lid van “De Bukskes” van Deetere. Laes eug enkele regels veur , zodet de vastelaovend 2006 aug dit jaor weer in Deetere geit slage.
Punt 1: Det mien regeringstied zal doere ein gans jaor, tot aan de volgende kenjerzitting
Punt 2: Det de Kirkstraot vanaaf noe tot aan as woonsdig zal heite prinsse straot
Punt 3 Det aug de jeugd nao ,t patsjebal mot komme mit ein of anger sjaon patch of hood
Punt 4 Det geer, Verreinigingen en partikuleren allemaol oetgenuijd zeet op os prinsereceptie
Punt 5 Det vanaaf noe auch alle ex jeugdprinse oetgenuijt zeen op de aovend van de auwd prinse op zaoterdigaovend veur de vastelaovend. Want weer zeen noe ein verreniging.
Punt 6 Ich roop op alle auwers mit de kenjer mit te komme nao de kenjermiddig , zoa det ich mit hun ein lekker glaas beer CQ cola ken drenke
Punt 7 Det ich haop det alle buk en girm(groat en klein) weer mit zalle doon aan de optoch.
Want det is toch het hoagtepuntj van oze vastelaovend.
Punt 8 Det ich eug allemaol teruuk zeen densdig morge op ,t pijamabal mit spek en eier en eine zwaore kop
Punt 9 Det alle zaate hermeniekes mit die daag neet allein hove te blaose, mer jederein dae kan blaoze op ein trot of kent houwe op ein trom mit de hermeniekes mit zal doon.
Punt 10 Ich haop det geer buk en girmkes os 2 prinse weer gaot steune ,want weer loupe waal veurop , mer zonger euch kenne weer de Deeterse vastelaovend neet trekke.
Punt 11 Tot slot wil ich prins Rico 1ste en alle buk en girm (groat en klein ) eine prachtige vastelaovend 2006 toewense. En wil dees proclamatie aaf sloete mit mien eige motto En det is ,
VIER DE VASTELAOVEND MIT VEUL TAMTAM EN BRAVOUR
WANT DIT JAOR STUIT JEUDPRINS STEPHAN 1ste AAN HET ROER.
3 MAOL DEETERE ALLAAF.