Proklamatie Jeugdprins KEVIN 1ste
Ich Jeugdprins Kevin de aeste, Klein heerser euver alle bukskes en girmkes hie in os Deeterse landj, gezaete op de Kamp, zoon van John en Nicole van loeveberg en groate broor van Robin.
Wil veur uch proklameere.
1, Laot mit de vasteloavend alle klein bukskes en girmkes hun beste carnavalspekske aandoon.
2, Det Jo en Wilma genog limenaat en chips hobbe mit dees daag, zodet weer geine honger en doos hove te lieje.
3, Det de schoal dit jaor mer ein bietje flexibel mot zeen mit de begintied ’t s’morges,want ‘t koos waal ens af en toe get later waere.
4, Det ze mich bie Gradussen op’t henge ’t paerd mer ens ein paar kier motte veurpoetse, want dao hob ich mit dees zwoar daag toch ech zelf geine zin in.
5, Det ich normaal neet te beroert bun om zelf flink op de trom te houwe bie kreato, de fanfare of de Old stars, mer det ich det deze vasteloavend gaer aan angere euverlaot om te doon.
6, Det Robin neet bang hoof te zeen det ter de komende tied get te kort kump, ich zal zeker tot aswoonsdig nog waal ens aan hem denke.
7, Laot mien opa’s en oma’s mer alvas goot beginne te oefene om in de polonais mit te kenne doon, want es de graote raod eine flotte geit beginne, motte ze toch zeker auch mit kenne sprenge.
8, Det de kenjervastelaovend hie in Deetere dit jaor weer zao good moog zeen wie altied en det alweer alle luu van Deetere mit de vastelaovend hie in de Koppel biejein komme.
9, Det auch den optoch weer fier door Deetere moog trekke en ich zeker mit de jeugdraod zal geneete van alles waat langs trek.
10, Det veur mich eine lang verwachtte dreum in vervulling geit en det ich same mit prins Leon en prinses Paula eine prachtige tied tegemoet moog gaon
11, Det ich mit mien atjudante en de jeugdroad mien oeterste bes goan doon om Deetere eine onvergaetelijke vasteloavend te bezorge.
Want mit veul kabaal en getrom is de vasteloavend in Deetere veul te flot om.
Drie maol Deetere ALAAF