Ich Prins Jeroen den iëste,
Prinske van ’t Bokkeriek Deetere,
In ’t vastelaoves-sezoen heers ich mit Prins Jo 1ste
euver de beuningerbeanj tot de vësjviever en van de middelsgraaf tot de maaseikerweg, wo mien residentie sjtuit. Auch hob ich get te zëgge euver Genenj, den Heuveldrenk en ’t Kröpke.
Ich ben zoon van eine kater oet Houtem, Wim van de Buggem en van ein girmke oet Deetere, Thea van den Ot.
Pete-kendj ben ich van Jan van den Ot en Ria van de Bugggem.
Zit in groep 8 van basischoal St. Cornelius bie de coolste Juf Myriam Dentener.
Ben lid van oos vrunje-club de BeHaatjes!
Doon wedsrtijdzwumme bie zwumvereniging Patrick in Ech en trómmel al aardig trop los bie de drumband van de fanfaar hie in Deetere.
Geer höb ein prinske wat breakdanse kan. En jumpe ben ich auch neet fies van.
Ich laes uch noe de ellef artikele van ’t regelement op:
Artikel ein:
Det ger mich laot regere, mit völ sjpas en plezeer, vanaaf noe tot de volgende kenjerzitting in 2009.
Artikel twieë:
Det ger zaoterdig op de prinse-receptie allemaol van harte welkom zeet, waal mit ein dikke envelop, anges kump ger neet benne.
Artikel drie:
Det ich op sjoal allein mer leuke denger moog doon: meziek make, rekene en sporte mit meister Harvey , Juf Myriam en groep 7/8.
Artikel veer:
Det ich en de groate prins der veur gaon zörge, det ger allemaol mit hiel vol plezeer vastelaovend kent gaon viere!
Artikel vief:
Det ich ’t fièn zou venje dat jonk vleisj en de pleksel-pot ummer in de zaal zeen mit vastelaovend, want träöte en trummele venj ich nog altied ’t sjoanste.
Artikel zes:
Det ederein in oos bokkeriek welkom is, al hob ze gein häöre op.
Artikel zeve:
Det alle bukskes van de ‘wieze’ jeug-raod, mich zulle steune, det ich deze vastelaovend noeadj zal vergéte.
Artikel ach:
Det ich ’t erg op pries stel es alle awwers mit hun poete noa de kenjermiddig kumme, den kenne wer same ein sjnieë-witje drènkeveur eine euro!
Artikel nege:
Det alle girmkes en bukskes, en ederein dae dao zin in haet, mit trekke in den optoch. Den ken ich väöl prieze oet deile.
Artikel tièn:
Det geer allemaol waal dao zeet op densdig-mörge, op ’t pyamabal, al höb ger eine zwaore kop van die sjnee-witjes!
Artikel ellef:
Det wer allemaol op esj-goonsdig ein asjkruutske gaon haole en daonao , same mit ooze meniër pesjtoar Boon, hieringe gaon biete bie Jo en Wilma.
Dees proklamasie is veurgeleze op:
Zondig dertien januwari 2008.
Drie moal Bukskes Alaaf
Bukskes Alaaf
Bukskes Allaaf