Ich, Prins Maurice de ieëste, heerser ever het Bokkeriek,
Regerend vanaaf de kamp. Zoon van Geert en Erna van de Böggem, man van Ray. Broor van Andrea, zwoager van Frank en trotse peatoom van Gijs.
Hiej is mien Proclamatie:
1)Det ich het geweldig venj det Ron en Jean mich gevroag
höbbe dit joar prins te zeen.
2)Det Andrea en Jean deze vasteloavend mien adjudanten
zulle zeen.
3)Det ich ruum 2 x 11 joar geleeje jeugdprins bon mooge
zeen van dit Bökkeriek.
4)Det alle Bök en Girmkes, groat en klein veul plezeer mit
mich mooge make.
5)Det de Never Noajt Neet Prinse het mich neet kwoalik
numme, en toch van de partie zeen.
6)Det de road en de vrouwluuj van de road mich deze
vasteloavend op henj zulle draage.
7)Det ouch dit joar weer eine geweldige optoch door ôôs Bökkeriek moog trekke.
8)Det op het patsjebal de Bökketempel weer aafgelaaje vol moog zeen.
9)Det weer 3 daag lank geine doosj zulle lieje.
10)Det ich same mit miene Jeugdprins of Jeugdprinses der eine onvergeatelijke vasteloavend van zal make.
11)Tot slot wil ich uch allemoal eine geweldige vateloavend toe winse en sjloet ich dees proclamatie aaf mit miene liefsjpreuk: Mit de Böggem veurop zette weer gans Deetere op ziene kop.
De lollige buk alaaf, Deetere alaaf, Vasteloavend alaaf
